बजेट सार्वजनिक भईसकेपछिको पहिलो शेयर कारोबारमा आज नेप्से सूचक घटेको छ। आज नेप्से सूचक २६.७२ अंकले घटेर २७५५.३७ को बिन्दुमा पुगेर रोकिएको छ।
आज कारोबारमा आएका ३४९ कम्पनीका १ करोड ३३ लाख ८३ हजार ८ सय १६ कित्ता शेयर खरिद बिक्रीबाट ५ अर्ब ६१ करोड ४३ लाख ७४ हजार ९ सय २८ रुपैयाँ ७४ पैसाको कारोबार भएको छ। जस मध्ये आँखु खोला जलविद्युत कम्पनीको सर्वाधिक ४३ करोड ४ लाखको कारोबार भएको छ भने नेपाल पुनर्बीमा कम्पनीको ३७ करोड १३ लाखको कारोबार भएको छ।
आज कारोबारमा आएका मध्ये नेपाल पुनर्बीमा कम्पनी र कालिन्चोक हाइड्रोपावरको शेयर मूल्य सर्वाधिक १४.९९ प्रतिशतले बढेको छ। त्यस्तै सिटिजन्स बैंकको ऋणपत्रको मूल्य ६.०२ प्रतिशतले बढेको छ।
आज कारोबारमा आएका मध्ये बुन्गल हाइड्रोको शेयर मूल्य सर्वाधिक १३.२० प्रतिशतले घटेको छ भने क्रेस्ट माइक्रोलाइफ इन्स्योरेन्सको शेयर मूल्य ६.९५ प्रतिशतले घटेको छ। त्यस्तै विशाल बजार कम्पनीको शेयर मूल्य ६.६४ प्रतिशत घटेको छ।
आज कारोबारमा आएका मध्ये निर्जीवन बीमा र अन्य बाहेकका सबै समुहगत उपसूचक घटेका छन् । जस मध्ये ट्रेडिङ समूह सर्वाधिक ६.१४ प्रतिशत घटेको छ।
बजेटले पुँजीगत लाभकर बढाएको थियो ।
