स्टक ब्रोकर्स एसोसिएसन अफ नेपालले पूँजीबजारमा आबद्ध रहेर नेपाल उद्योग वाणिज्य महासंघमा प्रतिनिधित्व गर्ने तथा सहभागी हुने सदस्यलाई बधाई तथा शुभकामना आदान प्रदान कार्यक्रम सम्पन्न गरेको छ। उक्त कार्यक्रममा संघको तर्फबाट सबै कार्यसमितिका पदाधिकारीहरु , पूर्व अध्यक्षहरु तथा विभिन्न क्षेत्रबाट निर्वाचित एफएनसीसीआईका प्रतिनिधिहरुलाई आमन्त्रण गरिएको थियो।
कार्यक्रममा एफएनसीसीआइका उपाध्यक्ष (वस्तुगत) नरेशलाल श्रेष्ठ , उपाध्यक्ष दिल सुन्दर श्रेष्ठ , उपाध्यक्ष कृष्ण प्रसाद शर्मा , पूँजीबजारका भेट्रान लगानीकर्ता अम्बिका प्रसाद पौडेल , पुर्वअध्यक्षहरु सन्तोष मैनाली तथा प्रियाराज रेग्मी ,जुना माथेमा तथा भिजन सेक्यूरिटिजा सञ्चालक राजकुमार तिमिल्सिना लगाएतको उपस्थिति रहेको थियो ।
कार्यक्रममा संघका अध्यक्ष सागर ढकालले धन्यबाद ज्ञापन गर्दै पूँजीबजारमा एफएनसीसीआइको भुमिका अब धितोपत्र ऐन संशोधन गर्नु तथा पूँजीबाजर बुझेको ब्याक्तिको धितोपत्रबोर्डमा एफएनसीसीआइबाट प्रतिनिधित्व हुनु पर्नेमा जोड दिए। त्यसै गरि भेट्रान लगानीकर्ता अम्बिका प्रसाद पौडेलले जीडीपीको ७० प्रतिशत हिस्सा पूँजीबजारको बजारपूँजीकरण पुगेको बताए । पौडेलले पहिलो पल्ट एफएनसीसीआईमा पूँजीबजारबाट ठूलो सहभागिता रहेको बताउँदै स्टक ब्रोकर्स एसोसिएसन मजबुत हुनु पर्नेमा जोड दिए।
त्यसै गरि संघका पूर्व अध्यक्ष सन्तोष मैनालीले पूँजीबजारमा १० कित्ते नीति समाजबादी नीति भएको र यसले बजार कर्नरिङ हुँदै गएको बताए। मैनालीले बुक विल्डिङ बिधिलाई प्रोत्साहन गर्दै सेयर बजारमा लिष्टिङ र आइपिओ नीतिमा पुर्नाविचार गर्नु पर्ने समय आएको बिषयमा जोड दिए।
पूर्व अध्यक्ष तथा एफएनसीसीआइका कायकारिणी सदस्य प्रिय राज रेग्मीले दोस्रो बजार चलयमान बनाउन आबश्यक रहेको बताए । साथै रेग्मीले आँफुले अब पूँजीबजारका समस्य समधान गर्न एफएनसीसीआई मार्फत पहल गर्ने बताए ।
एफएनसीसीआई कै नब निर्वाचित प्रतिनिधि जुना माथेमाले स्टक ब्रोकर्स एसोसिएनले नीतिगत काम गर्नु पर्नेमा जोड दिईन् । माथेमाले एसोसिएसनले सुझाव पेश गर्दा ३ महले बनाएर पेश गर्दा बढी प्रभावकारी हुनेमा जोड दिईन् । साथै उनले संघले २÷३ मिनेट्का छोटा छोटा जनचेतना मूलक भिडियो बनाएर प्रस्तुत गर्नको लागि संघलाई सुझाव दिए।
कार्यक्रममा संघका उपाध्यक्ष नितेश कुमार अग्रवालले स्वागत मन्तब्य दिएका थिए भने महासचिव भक्तिराम घिमिरेले कार्यक्रम सञ्चालन गरेका थिए।
