सिडिएस एण्ड क्लियरिङ लिमिटेडको कायम मुकायम प्रमुख कार्यकारी अधिकृतको जिम्मेवारी कन्चन सापकोटाले पाएकी छिन् । सिडिएसको आइतबार बसेको संचालक समितिको बैठकले सापकोटालाई कामुको जिम्मेवारी दिएको हो । उनी सिडिएसकी सबैभन्दा बरिष्ठ कर्मचारी हुन् ।
यस अघि सिडिएसमा प्रविण पन्दाक प्रबन्ध संचालकको भूमिकामा थिईन् । उनी नेपाल स्टक एक्सचेन्ज नेप्सेबाट प्रतिनिधित्व गर्दै सिडिएसमा संचालक र प्रबन्ध संचालकको जिम्मेवारीमा थिईन्।
तर नेप्सेले उनलाई फिर्ता बोलाएपछि उनको संचालक पद र प्रबन्ध संचालक पद रिक्त भएको हो। पछिल्लो समय आईजिन निर्देशिका ल्याएपछि पन्दाक विवादित भएकी थिइन् । उनले आईपीओ जारी गर्ने कम्पनीमा संस्थापक शेयर र साधारण शेयरलाई छुट्टाछुट्टै आईजिन दिने प्रस्तवा गरेर निर्देशिका तयार पारि स्वीकृतिको लागि नेपाल धितोपत्र बोर्डमा पठाएकी थिईन। विवादित बनेको सो निर्देशिका हालसम्म पनि बोर्डले स्वीकृत गरेको छैन ।
