आज आइतबार शेयर कारोबार सुरु भएको डेढ मिनेट मै सर्किट ब्रेक लागेको छ। नियमित कारोबार ११ बजे सुरु भएकोमा ११ बजेर १ मिनेट ३१ सेकेण्डमा बजार ४ प्रतिशतले बढेपछि सर्किट ब्रेक लागेको हो।
११ बजेर १ मिनेट ३१ सेकन्डमा बजार ४ प्रतिशत अर्थात् १०२.६८ अंकले बढेकोले पहिलो सर्किट ब्रेक लागेको हो । अब बजार २० मिनेटपछि सुचारु हुने छ।
आजको प्रि ओपन सेसनमा शेयर बजार ३८.२७ अंकले बढेर २६०६.४१ को बिन्दुमा पुगेको थियो । लचक मौद्रिक नीति आएपछि लगानीकर्ता उत्साहित भएका छन् ।
बजार सुरु भएको पहिलो घण्टा भित्रमा शेयर बजार ४ प्रतिशतले घटबढ भएमा २० मिनेट सर्किट ब्रेक लाग्ने व्यवस्था छ । त्यस्तै दोस्रो घण्टा भित्रमा ५ प्रतिशतले घटबढ भएमा ४० मिनेट सर्किट ब्रेक लाग्ने व्यवस्था छ। र तेस्रो घण्टा भित्र ६ प्रतिशतले घटबढ भएमा पुरै दिनको लागि कारोबार बन्द हुने व्यवस्था छ।
