नेपाल स्टक एक्सचेन्ज (नेप्से) को कार्यालय आज सोमबारबाट खुल्ने भएपनि सेयर कारोबार भने नहुने भएको छ । असोज १३ देखि बन्द रहेको नेप्से आज असोज २० गतेबाट खुल्ने भएपनि सेयर कारोबार भने नहुने भएको हो ।
नेप्सेले एक सूचना जारी गर्दै असोज २१ गते मंगलबारबाट मात्रै सेयर कारोबार सूचारु हुने जानकारी दिएको छ । ‘दोस्रो बजार सञ्चालन भोलि, अर्थात् २०८२।०६।२१ बाट सुरु हुनेछ’ नेप्सेले भनेको छ ।
यसअघि दशैँ बिदा पश्चात असोज १९ गते आइतरदेखि नै नियमित खुल्नुपर्ने सेयरबजार बाढी तथा पहिरोका कारण सरकारले २ दिन सार्वजनिक बिदा दिने निर्णय गरेसँगै बन्द थियो । सोमबारबाट बिदा हटेपनि नेप्सेले सेयर कारोबार भने मंगलबारबाट मात्रै सूचारु गर्ने भएको हो ।
