नेशनल बायोटेक लिमिटेडले आईपीओ निष्काशनको अनुमति माग गर्दै नेपाल धितोपत्र बोर्डमा आवेदन दिएको छ। कम्पनीले चैत्र १६ गते आवेदन दिएको हो।
कम्पनीले १० करोड रुपैयाँ बराबरको १० लाख कित्ता शेयर निष्काशनको लागि अनुमति माग गरेको हो । शेयर निष्काशनको लागि एनआईबिएल एस क्यापिटल लिमिटेड बिक्री प्रबन्धक रहेको छ ।
यो कम्पनी नेपालको पहिलो अन्तर्राष्ट्रिय प्रमाणित अर्गानिक जैविक मल उत्पादक कम्पनी हो । कम्पनीले जैविक मल, कृषि आपूर्ति, पशु र बोटबिरुवामा आधारित जैविक मलहरू उत्पादन तथा वितरण गर्दै आएको छ। कम्पनीले चिनियाँ प्रविधिमा मल उत्पादन गर्दै आएको छ, जुन नेपाल सरकारबाट समेत प्रमाणित भईसकेको छ ।
