स्वस्तिक लघुवित्तले सर्वसाधारणलाई निष्काशन गरेको आईपीओमा १५० गुणा बढीको आवेदन परेको छ । आवेदन दिने अन्तिम दिनसम्ममा कम्पनीको आईपीओमा २५ लाख २८ हजार ५ सय ५१ जना आवेदकबाट २ करोड ९३ लाख ८१ हजार ६ सय ५० कित्ताको लागि आवेदन परेको छ । यो माग गरिएको भन्दा १५०.५२ गुणा बढी हो।
कम्पनीले साउन ३० गतेदेखि भदौ ३ गतेसम्म आम सर्वसाधारणको लागि आईपीओ बिक्री खुला गरेको हो। कम्पनीले सर्वसाधारणलाई १ लाख ९५ हजार १ सय ९५ कित्ता शेयर निष्काशन गरेको हो।
कम्पनीले यस अघि नै पहिलो चरणमा श्रम स्वीकृति लिइ वैदेशिक रोजगारीमा रहेका नेपाली नागरिकलाई शेयर निष्काशन गरि बाँडफाँड गरिसकेको छ ।
नेपाल धितोपत्र बोर्डले असार ५ गते कम्पनीलाई आईपीओ निष्काशनको अनुमति दिएको थियो । मधेश प्रदेश कार्य क्षेत्र रहेको यस् लघुवित्तको केन्द्रीय कार्यालय सिराहामा रहेको छ।
यो पनि : ‘आईपीओपछि हामीलाई व्यवसाय विस्तारमा ठूलो अवसर मिल्नेछ’ (अन्तर्वार्ता)
