आज मङ्सिर २० गते ३ वटा कम्पनीको लाभांश सुरक्षित गर्ने अन्तिम दिन रहेको छ। आज सूर्यज्योति लाइफ इन्स्योरेन्स, एनआरएन इन्फ्रास्ट्रकचर एण्ड डेभलपमेन्ट फण्ड र फर्स्ट माइक्रोफाइनान्सको लाभांश सुरक्षित गर्ने अन्तिम दिन हो ।
यी ३ कम्पनीले साधारणसभा प्रयोजनको लागि मङ्सिर २१ गते बुक क्लोज गर्ने निर्णय गरेकोले आज मङ्सिर २० गतेसम्म कायम शेयरधनीले मात्र कम्पनीको सभामा भाग लिन र प्रस्तावित लाभांश पाउन सक्ने छन् । कम्पनीको साधारणसभाले पारित गरेपछि लाभांश लगानीकर्तामा वितरण हुने छ।
कुनको साधारणसभा कहिले र लाभांश कति ?
सूर्यज्योति लाइफ इन्स्योरेन्सले कर सहित २० प्रतिशत नगद लाभांश प्रस्ताव गरेको छ । कम्पनीले पुस ६ गतेको लागि साधारणसभा बोलाएको छ ।
एनआरएन इन्फ्रास्ट्रकचरले ५ प्रतिशत बोनस शेयर र कर प्रयोजनको लागि ०.३२२६ प्रतिशत नगद लाभांश प्रस्ताव गरेको छ। कम्पनीले पुस १२ गते साधारणसभा बोलाएको छ।
फर्स्ट माइक्रोफाइनान्सले ९ प्रतिशत बोनस र कर प्रयोजनको लागि ०.४७ प्रतिशत नगद लाभांश प्रस्ताव गरेको छ। कम्पनीले पुस ११ गते साधारणसभा बोलाएको छ।
