नेपाल एसबीआई बैंकको लाभांश सुरक्षित गर्ने आज अन्तिम दिन रहेको छ । कम्पनीले साधारणसभा तथा लाभांश प्रयोजनको लागि पुस ७ गते बुक क्लोज गर्दैछ ।
पुस ५ र ६ गते शुक्रबार र शनिबार परेकाले सेयर कारोबार नहुने भएकाले आजसम्म कायम सेयरधनीले मात्रै कम्पनीको लाभांश प्राप्त गर्नेछन् ।
नेपाल एसबीआई बैंकले गत वर्षको नाफाबाट ३.८० प्रतिशत बोनस सेयर र ६.८५ प्रतिशत नगद गरी कुल १०.६५ प्रतिशत लाभांश वितरण गर्दैछ । उक्त लाभांश प्रस्ताव पारित गर्न बैंकले पुस २१ गते वार्षिक साधारणसभा आह्वान गरेको छ ।
