आईसीएफसी फाइनान्स लिमिटेडले निष्काशन गरेको ऋणपत्र बाँडफाँड भएको छ । बिक्री प्रबन्धक कुमारी क्यापिटलले आज ऋणपत्र बाँडफाँड गरेको हो ।
कम्पनीले फागुन ११ गतेदेखि फागुन १४ गतेसम्म ऋणपत्र बिक्री खुला गरेको हो। फाइनान्सले प्रति ऋणपत्र १,००० रूपैयाँ अंकित मूल्यमा ५ लाख कित्ताले हुन आउने ५० करोड रूपैयाँ बराबरको ऋणपत्र निष्काशन गरेको हो । जस मध्ये ३ लाख कित्ता व्यक्तिगत तबरबाट बिक्री गरिएको थियो भने १० हजार कित्ता सामुहिक लगानी कोषलाई छुट्याएर १ लाख ९० लाख कित्ता सर्वसाधारणको लागि निष्काशन गरिएको थियो।
यस निष्काशनमा १४ हजार १ सय ३७ जनाले आवेदन दिएका थिए। जस मध्ये १४ हजार १ सय २९ जनाको आवेदन मात्र योग्य भएको छ। मागभन्दा बढीको आवेदन परेकोले गोलाप्रथाबाट ऋणपत्र बाँडफाँड गरिएको छ। जस अनुसार ७ हजार ६ सयले जनाले २५ कित्ताको दरले ऋणपत्र पाएका छन् । बाँकि आवेदक भने हात खाली भएका छन् ।
नेपाल धितोपत्र बोर्डले माघ २१ गते कम्पनीलाई ऋणपत्र निष्काशनको अनुमति दिएको हो । वार्षिक ८ प्रतिशत ब्याजदर रहेको यो ऋणपत्रको अवधि ७ वर्षको रहेको छ ।
