आईसिएफसि फाइनान्सले ऋणपत्र निष्काशनको अनुमति माग गर्दै नेपाल धितोपत्र बोर्डमा आवेदन दिएको छ। कम्पनीले कार्तिक २५ गते बोर्डमा आवेदन दिएको हो ।
कम्पनीले प्रति ऋणपत्र १००० रुपैयाँको दरले ५० करोड बराबरको ५ लाख कित्ता ऋणपत्र निष्काशन गर्न लागेको हो । जस मध्ये ३ लाख कित्ता निजी तबरबाट बिक्री हुनेछ भने २ लाख कित्ता सर्वसाधारणको लागि बिक्री हुने छ । यस ऋणपत्रमा कम्पनीले ८ प्रतिशत ब्याज दिने प्रस्ताव गरेको छ।
कम्पनीको साउन २७ गते बसेको संचालक समितिको बैठकले ऋणपत्र निष्काशन गर्ने निर्णय गरेकोमा राष्ट्र बैंकले भदौ ९ गते कम्पनीलाई ऋणपत्र निष्काशनको लागि स्वीकृति दिईसकेको छ। अब धितोपत्र बोर्डले अनुमति दिएपछि कम्पनीले ऋणपत्र निष्काशन गर्ने छ।
