स्वस्तिक लघुवित्तले साधारणसभा आह्वान गरेको छ । कम्पनीले भदौ २७ गते आर्थिक वर्ष २०८१/८२ को साधारणसभा बोलाएको हो।
कम्पनीले सभाको विशेष प्रस्ताव अन्तर्गत १:२ को अनुपातमा २ सय प्रतिशत हकप्रद निष्काशन गर्ने प्रस्ताव गरेको छ। नियामक निकाय नेपाल राष्ट्र बैंक र नेपाल धितोपत्र बोर्डले स्वीकृति दिएमा मात्र कम्पनीले हकप्रद निष्काशन गर्ने छ। कम्पनीले आर्थिक वर्ष २०८१/८२ को लागि लाभांश प्रस्ताव गरेको छैन ।
कम्पनीले साधारणसभा प्रयोजनको लागि भदौ ११ गते बुक क्लोज गर्ने निर्णय गरेको छ। भदौ १० गतेसम्म कायम शेयरधनीले मात्र कम्पनीको सभामा भाग लिन सक्ने छन् ।
यस्ता छन् कम्पनीको सभामा पेश हुने प्रस्तावहरु :
१. सञ्चालक समितिको तर्फबाट अध्यक्षले पेश गर्ने आ.व. २०८१ / ८२ को बार्षिक प्रतिवेदन उपर छलफल गरि पारित गर्ने।
२. लेखापरिक्षकको प्रतिवेदन सहितको आ.व. २०८१/८२ को वासलात, नाफा नोक्सान हिसाब र नगद प्रवाह विवरण सहितको वित्तीय विवरणहरु तथा सम्बन्धित अनुसुचिहरु छलफल गरि पारित गर्ने ।
३. बैंक तथा वित्तीय संस्था सम्बन्धि ऐन, २०७३ को दफा ६३ तथा कम्पनी ऐन, २०६३ को दफा १११ अनुसार आर्थिक बर्ष २०८२ / ०८३ का लागी लेखापरीक्षक नियुक्त गर्ने र निजको पारिश्रमिक तोक्ने ।
४. सर्वसाधारण शेयरधनीहरुको प्रतिनिधीत्व हुनेगरि एकजना महिला सहित २ (दुई) जना सञ्चालकको निर्वाचन सम्बन्धमा ।
विषेश प्रस्ताव
१. वित्तीय संस्थाको प्रबन्धपत्र तथा नियमावलीका केही दफा / नियमहरुको संशोधन स्वीकृत गर्ने (जारी र चुक्ता पुजी बृद्धि गर्ने एवं अन्य दफा तथा नियमहरुमा आवश्यक संशोधन गर्ने) तथा उक्त प्रस्तावित संशोधनमा नियमनकारी निकायले फेरवदल गर्न सुझाव वा निर्देशन दिएमा सो अनुरुप आवश्यक संशोधन / परिमार्जन गर्न संचालक समिति वा संचालक समितिले तोकेको पदाधिकारीलाई अधिकार दिने ।
२. नियामक निकायले स्वीकृति प्रदान गरेमा १:२ अनुपातमा हकप्रद शेयर निष्काशन गर्ने ।
३. वित्तीय संस्थाले अन्य ईजाजतपत्रप्राप्त “घ” वर्गका लघुवित्त वित्तीय संस्थालाई मर्जर / प्राप्ती (Merger /Acquisition) गर्न वा भई जान उपयुक्त देखिएमा सो सम्बन्धी आवश्यक सम्पुर्ण कार्य गर्न संचालक समिति वा समितिले तोकेको व्यक्तिलाई अधिकार प्रत्यायोजन गर्ने । ४. सञ्चालकहरुको भत्ता तथा सुविधा परिमार्जन गर्ने सम्बन्धमा ।
