साताको कारोबारको अन्तिम दिन आज शेयर बजार परिसूचक नेप्से दोहोरो अंकले बढेको छ। आज नेप्से सूचक ५९.६८ अंकले बढेर २४२४.३२ को बिन्दुमा पुगेर रोकिएको छ। २६ महिनापछि नेप्सेले २४०० को बिन्दु पार गरेको हो ।
आज कारोबारमा आएका ३१२ कम्पनीका ३ करोड ९९ लाख ३८ हजार २ सय ३७ कित्ता शेयर खरिद बिक्रीबाट १५ अर्ब ५४ करोड ८८ लाख ७ सय ३८ रुपैयाँ २१ पैसाको कारोबार भएको छ। जस मध्ये नेपाल फाइनान्सको सर्वाधिक ४२ करोड ४६ लाखको कारोबार भएको छ भने अपर तामाकोशीको ३८ करोड ९१ लाखको कारोबार भएको छ।
आज कारोबारमा आएका मध्ये नेपाल इन्भेष्टमेन्ट मेगा बैंक, नेपाल फाइनान्स, आँखुखोला हाइड्रो, उपकार लघुवित्त र थ्री स्टार हाइड्रोको शेयर मूल्य १० प्रतिशतले बढेको छ। त्यस्तै कुमारी बैंकको शेयर मूल्य ९.५३ प्रतिशत तथा प्रभु बैंकको शेयर मूल्य ९.५१ प्रतिशत बढेको छ ।
आज कुमारी सबल योजनाको इकाई मूल्य सर्वाधिक ५.७६ प्रतिशत घटेको छ भने सिन्धु विकास बैंकको शेयर मूल्य ४.५७ प्रतिशत घटेको छ । त्यस्तै गुहेश्वरी फाइनान्सको शेयर मूल्य ४.२२ प्रतिशत घटेको छ ।
आज कारोबारमा आएका फाइनान्स र हाइड्रो बाहेकका सबै समूहगत सूचक बढेका छन् । जस मध्ये बैंकिंङ समुह सर्वाधिक ६.२८ प्रतिशत तथा लघुवित्त समूह २.७७ प्रतिशत बढेको छ। आज फाइनान्स समुह सर्वाधिक १.२७ प्रतिशत घटेको छ।
