साताको दोस्रो दिन आज सोमबार शेयर बजार परिसूचक नेप्से झिनो अंकले बढेको छ। आज नेप्से सूचक ३.२१ अंकले बढेर २०६६.१६ को बिन्दुमा पुगेर रोकिएको छ ।
आज ३२२ कम्पनीको १ करोड ७ लाख ७ हजार ८ सय ७८ कित्ता शेयर खरिद बिक्रीबाट ५ अर्ब ७ करोड ७२ लाख ५५ हजार १ सय १६ रुपैयाँ १५ पैसाको कारोबार भएको छ । जस मध्ये मेरो माइक्रो फाइनान्सको सर्वाधिक २४ करोड ३२ लाख, एनआरएन इन्फ्रास्ट्रकचर एण्ड डेभलपमेन्ट लिमिटेडको १८ करोड ४१ लाख, तथा पोखरा फाइनान्सको १६ करोड १७ लाखको कारोबार भएको छ।
आज कारोबारमा आएका मध्ये नेपाल फाइनान्स र गणपति लघुवित्तको शेयर मुल्यमा सकारात्मक सर्किट लागेको छ । त्यस्तै मकर जितुमाया सुरी हाइड्रोको शेयर मूल्य ७.२१ प्रतिशत तथा शिवश्री हाइड्रोको शेयर मूल्य ६.९१ प्रतिशत बढेको छ । त्यस्तै आज बुद्धभुमि नेपाल हाइड्रोको शेयर मूल्य सर्वाधिक ७.०१ प्रतिशत घटेको छ भने कृषि विकास बैंकको ऋणपत्रको शेयर मूल्य ३.७६ प्रतिशत घटेको छ ।
आज कारोबार मध्ये फाइनान्स समुह सर्वाधिक २.११ प्रतिशत, विकास बैंक समुह १.५६ प्रतिशत तथा लघुवित्त समुह १.३६ प्रतिशत बढेको छ ।
