हकप्रद निष्काशन गर्नको लागि यूनाइटेड अजोड इन्स्योरेन्सले बिक्री प्रबन्धक चयन गरेको छ । कम्पनीले आज मङ्गलबार लक्ष्मी सनराइज क्यापिटललाई बिक्री प्रबन्धक चयन गरेको हो ।
सम्झौता पत्रमा कम्पनीको तर्फबाट प्रमुख कार्यकारी अधिकृत श्रवण रावल तथा क्यापिटलका तर्फबाट क्यापिटलका प्रमुख कार्यकारी अधिकृत विजय लाल श्रेष्ठले हस्ताक्षर गरेका छन्।
कम्पनीले हाल कायम चुक्ता पुँजीको १५ प्रतिशत हकप्रद शेयर जारी गर्न लागेको हो । कम्पनीको गत जेठ ३१ गते सम्पन्न विशेष साधारणसभाले हकप्रद निष्काशन प्रस्ताव पारित गरिसकेको छ । १५ प्रतिशत हकप्रद निष्काशनपछि कम्पनीको चुक्ता पुँजी २ अर्ब ४१ करोड ५० लाख पुग्ने छ ।
