हिमालयन लाइफ इन्स्योरेन्स कम्पनीको प्रमुख कार्यकारी अधिकृतमा कपिल कुमार दाहाल नियुक्त भएका छन् । कम्पनीको कार्तिक १२ गते बसेको संचालक समितिको बैठकले कम्पनीमा नायव प्रमुख कार्यकारी अधिकृत रहेका दाहाललाई प्रमुख कार्यकारी अधिकृतमा नियुक्त गर्ने निर्णय गरेको हो ।
कम्पनीका अनुसार उनको कार्यकाल आज कार्तिक १३ गतेबाट सुरु भएको छ।
यस अघिका सीइओ मनोज कुमार लाल कर्णले पदबाट राजीनामा दिएपछि कम्पनीमा सीइओ पद रिक्त थियो । कर्णले असोज २७ गतेदेखि राजीनामा दिएका हुन् । कम्पनीको संचालक समितिको बैठकले सोहि दिन नै उनको राजीनामा स्वीकृत गरेको थियो।
कम्पनीका अभिकर्ताहरुले उनको राजीनामा माग गर्दै आन्दोलनमा उत्रिएपछि उनले राजीनामा दिएका थिए। अभिकर्ताहरुले न्युनतम बोनस दर प्रति हजार ५० रुपैयाँ कायम हुनु पर्ने सहितका आधा दर्जन बढी माग राख्दै आन्दोलन थालेका थिए। उनीहरुले सीइओ असक्षम नभएको भन्दै उनको पनि राजीनामा माग गरेका थिए।
