सरकारले स्थापना गरेको ‘भौतिक पूर्वाधार पुनःनिर्माण कोष’मा सूर्यज्योति लाइफ इन्स्योरेन्स कम्पनीले १ करोड ५० लाख रुपैयाँ जम्मा गरेको छ । कम्पनीले मंगलबार उक्त रकम बराबरको चेक अर्थमन्त्रीलाई हस्तान्तरण गरेको हो ।
कम्पनीका प्रमुख कार्यकारी अधिकृत (सीईओ) प्रकाश बिक्रम खत्रीले अर्थमन्त्री रामेश्वर खनाललाई चेक हस्तान्तरण गरेका हुन् ।
जेन जी आन्दोलनका क्रममा भएको भौतिक संरचनाको पुनः निर्माण गर्न सरकारले ‘भौतिक पूर्वाधार पुनःनिर्माण कोष’ खडा गरेको छ । अहिले यस कोषमा व्यक्तिगत तथा संस्थागत रुपमा सहयोग गर्नेहरु बढिरहेका छन् ।
