नेपाल बीमा प्राधिकरणले कार्यकारी निर्देशक नियुक्तिको लागि प्रक्रिया अगाडी बढाएको छ। जस अनुसार प्राधिकरणले कार्यकारी निर्देशक नियुक्ति प्रक्रिया अगाडी बढाउन दुई साता अगाडी नै सहमतिको लागि लोक सेवा आयोगलाई पत्र पठाएको छ
लोक सेवालाई सहमतिको लागि पत्र पठाएको प्राधिकरणले जनाएको छ । प्राधिकरणका अनुसार लोक सेवाले सहमति दिएपछि प्राधिकरणले दर्खास्त आह्वान गर्ने छ ।
प्राधिकरण २ महिना देखि कार्यकारी निर्देशकबिहिन रहेको छ । तत्कालिन कार्यकारी निर्देशक राजुरमण पौडेलले गत जेठ ११ गते अवकाश पाएपछि प्राधिकरण कार्यकारी निर्देशकबिहिन रहेको छ ।
प्राधिकरणमा बहालवाला निर्देशक मध्ये एक जना कार्यकारी निर्देशकमा बढुवा हुने प्रावधान छ । जसमध्ये कम्तिमा ५ वर्ष निर्देशको रुपमा प्राधिकरणमा कार्यरत भएको हुनुपर्ने छ । उसो त, महिलाको हकमा भने ४ वर्ष निर्देशक भएपछि कार्यकारी निर्देशकको लागि योग्य मानिने प्रावधान रहेको छ ।
प्राधिकरणमा निर्देशकको ४ जना दरबन्दी रहेको छ । जसमध्ये हाल १ निर्देशक पद रिक्त रहेको अवस्था छ। बाँकी रहेका ३ जना निर्देशक मध्ये एक जना कार्यकारी बन्ने पक्का पक्की छ । जेष्ठताको आधारमा कमलप्रसाद रेग्मी कार्यकारी बन्ने आधारहरु रहेको भएतापनि कार्यसम्पादन मुल्यांकनका आधारमा उनी नै बन्छन् भनेर भन्ने अवस्था छैन् । सोहि कारण अन्य दुई निर्देशक सुशीलदेव सुवेदी र पुजन ढुँगेल पनि कार्यकारी निर्देशकको दौडमा छन्। सुवेदी हाल प्राधिकरणको प्रवक्ताको भूमिकामा पनि छन्।
