उच्च हिमाली क्षेत्रमा पदयात्रामा जाने पर्यटकहरुलाई उद्दार गरेको देखाएर बीमा रकम अशुल गर्ने कसूरमा थप दुइ जना पक्राउ परेका छन् । नेपाल प्रहरीको केन्द्रीय अनुसन्धान ब्यूरो (सीआईबी)का अनुसार यस प्रकरणमा थप दुइ जना पक्राउ परेका हुन् ।
पक्राउ पर्नेमा रोयल होलिडे एडभेन्चर एण्ड ट्राभल कम्पनीका सञ्चालक सन्दिप तिवारी र वायुसेवा सञ्चालक संघका पूर्व अध्यक्ष राजेन्द्र बहादुर सिंह रहेका छन् । फागुन १२ गते पक्राउ परेका तिवारी धादिङको ज्वालामुखी गाउँपालिका वडा नम्बर २ का स्थायी बासिन्दा हुन् भने फागुन १३ गते समातिएका सिंह काठमाडौँकै स्थायी बासिन्दा हुन् ।
सीआईबीले यस प्रकरणको अनुसन्धानका लागि हालसम्म ९ जनालाई पक्राउ गरिसकेको छ ।
