मुक्तिनाथ क्यापिटलले असोज १ गतेदेखि देखि नयाँ म्युचुअल फण्डको इकाई निष्काशन गर्ने भएको छ । क्यापिटलले मुक्तिनाथ म्युचुअल फण्ड अन्तर्गत संचालन हुने मुक्तिनाथ म्युचुअल फण्ड २ नामको बन्दमुखी म्युचुअल फण्ड योजनाको इकाई निष्काशन गर्न लागेको हो।
यस फण्डको आकार १ अर्ब रहेको छ। फण्ड अन्तर्गत १० रुपैयाँ प्रति इकाईका १० करोड इकाई निष्काशन हुनेछ। जस मध्ये १ करोड ५० लाख इकाई कोष प्रबर्दक मुक्तिनाथ विकास बैंकलाई र २० लाख इकाई योजना व्यवस्थापक मुक्तिनाथ क्यापिटललाई सुरक्षित् गरिएको छ । बाँकी रहेको ८ करोड ५० लाख इकाई आम सर्वसाधारणको लागि बिक्री गरिने छ ।
यस निष्काशनमा आवेदन दिँदा न्युनतम १०० इकाई र अधिकतम १ करोड इकाईको लागि आवेदन दिन सकिने छ। छिटोमा असोज ६ गतेसम्म र सो अवधिसम्म पर्याप्त आवेदन नपरेमा ढिलोमा असोज १५ गतेसम्म आवेदन दिन सकिने छ।
यस फण्डको अवधि १० वर्षको रहेको छ । नेपाल धितोपत्र बोर्डले क्यापिटललाई भदौ १० गते फण्ड संचालनको अनुमति दिएको हो ।
