एनआईसी एशिया क्यापिटलले असोज ७ गतेदेखि देखि नयाँ म्युचुअल फण्डको इकाई निष्काशन गर्ने भएको छ । क्यापिटलले एनआईसी एशिया बैंक म्युचुअल फण्ड अन्तर्गत संचालन हुने एनआईसी एशिया इक्विटी अपुर्चुनीटी फण्ड नामको बन्दमुखी म्युचुअल फण्ड योजनाको इकाई निष्काशन गर्न लागेको हो।
यस फण्डको आकार ८० करोड रहेको छ। फण्ड अन्तर्गत १० रुपैयाँ प्रति इकाईका ८ करोड इकाई निष्काशन हुनेछ। जस मध्ये १ करोड २० लाख इकाई एनआईसी एशिया बैंकलाई सुरक्षित् राखेर बाँकी रहेको ६ करोड ८० लाख इकाई आम सर्वसाधारणको लागि बिक्री गरिने छ ।
यस निष्काशनमा आवेदन दिँदा न्युनतम १०० इकाई र अधिकतम १ करोड इकाईको लागि आवेदन दिन सकिने छ। छिटोमा असोज १३ गतेसम्म र सो अवधिसम्म पर्याप्त आवेदन नपरेमा ढिलोमा असोज २१ गतेसम्म आवेदन दिन सकिने छ।
यस फण्डको अवधि १० वर्षको रहेको छ । नेपाल धितोपत्र बोर्डले क्यापिटललाई भदौ १० गते फण्ड संचालनको अनुमति दिएको हो ।
