कर वृद्धिको विरोधमा हेटौँडाका व्यवसायीले आफ्ना व्यवसाय बन्द गरेर पसल तथा व्यवसायिक सटरको साँचो उपमहानगरलाई बुझाएका छन् । उपमहानगरका मेयर मिनाकुमारी लामा र उपमेयर राजेश बानियाँले व्यवसायीहरुको साँचो बुझेका हुन् ।
नाराबाजी गरिरहेका व्यवसायीको भीडमा आएर मेयर र उपमेयरले तालाचाँबी बुझेका हुन् ।
मकवानपुर उद्योग वाणिज्य संघको नेतृत्वमा कर वृद्धि विरूद्धको आन्दोलन जारी छ । व्यवसायीहरूले शुक्रबार आफ्ना व्यवसाय बन्द गरेर उपमहानगर कार्यालयमा धर्ना दिएका हुन् ।
हेटौँडा उपमहानगरले कर तथा राजस्वको दर १५० प्रतिशतसम्म बढाएपछि व्यवसायीहरु आन्दोलित छन् ।
