चालु आर्थिक वर्ष २०८३/०८४ को पहिलो महिना (साउन) मा नेपालले १ खर्ब ४८ अर्ब ब्यापार घाटा ब्यहोरेको छ । साउन महिनामा १ खर्ब ८७ अर्ब ४४ करोड बराबरको वस्तु तथा सेवा आयात गरेको नेपालले यस अवधिमा जम्मा ३ अर्ब ८७ करोड बराबरको मात्रै निर्यात गरेको छ । यस आधारमा १ खर्ब ४८ अर्ब ७३ करोड ब्यापार घाटा भएको छ ।
भन्सार विभागले सार्वजनिक गरेको साउन महिनाको वैदेशिक ब्यापारको तथ्याङ्क अनुसार नेपालको ब्यापार घाटा गत वर्षको साउन महिनाको तुलनामा २४.८८ प्रतिशतले बढेको छ । गत वर्षको साउनमा १ खर्ब १९ अर्ब ब्यापार घाटा थियो ।
भन्सार विभागका अनुसार चालु आर्थिक वर्षको पहिलो महिनामा गत आर्थिक वर्षको पहिलो महिनाको तुलनामा आयात ३१.०४ प्रतिशतले र निर्यात ६१.७२ प्रतिशतले बढेको छ ।
गत आर्थिक वर्षको साउन महिनामा १ खर्ब १९ अर्ब ब्यापार घाटा थियो । गत आर्थिक वर्ष २०८२/०८३ मा नेपालले १७ खर्ब ८१ अर्ब ब्यापार घाटा ब्यहोरेको थियो ।
