नेपाल चेम्बर अफ कमर्सका निर्वतमान अध्यक्ष राजेन्द्र मल्लले देशको आर्थिक उन्नतिका लागि निजी क्षेत्रका छाता संगठनहरूबीच व्यवसायिक एकता र सहकार्य आवश्यक रहेकोमा जोड दिएका छन् ।
नेपाल उद्योग वाणिज्य महासंघको आसन्न निर्वाचनका सन्दर्भमा आयोजित एक कार्यक्रममा उनले निजी क्षेत्रको हकहितका लागि निजी क्षेत्रका संगठनहरु र उद्यमी व्यवसायीबीच एकता आवश्यक रहेको बताएका हुन् । निर्वाचन लोकतान्त्रिक प्रक्रिया भएकाले ‘आउँछ, जान्छ’ भन्दै उनले चुनाव सकिएको भोलिपल्टबाटै संस्थामा एकता कायम हुनुपर्ने बताए । मल्लले महासंघमा आउने नयाँ नेतृत्व र टिमसँग चेम्बर अफ कमर्सले विगतमा जस्तै सहकार्य गर्ने प्रतिवद्धता पनि जनाएका छन् ।
उनले झण्डै दुइ तिहाईको सरकार बनेपछि निजी क्षेत्र लगानीमैत्री वातावरणको सिर्जना हुन्छ भनेर उत्साहित भएपनि पछिल्लो समय उद्योगी व्यवसायीमाथि भइरहेको धरपडकले आश्वासन र व्यवहारबीच असमानता देखाएको समेत बताए ।
