पहिरोले क्षति पुर्याएपछि बाराही हाइड्रोको आयोजनाबाट विद्युत उत्पादन बन्द भएको छ । विगत ३-४ दिन देखि लगातार परेको अविरल वर्षाका कारण आयोजनामा क्षति पुगेपछि २०८१ असार २२ गतेबाट विद्युत उत्पादन पूर्णरुपमा बन्द रहेको कम्पनीले जनाएको छ ।
कम्पनीले बाग्लुङ्ग जिल्ला, जैमिनी नगरपालिकाको कुश्मीसेरा स्थित ठेउले खोलामा १.५ मेगावाट क्षमताको ठेउले खोला जलविद्युत आयोजना निर्माण सम्पन्न गरि विद्युत उत्पादन गरिरहेको थियो । तर असार २२ गते खोलाको दायाँ तर्फको करिब २०० मिटर माथिबाट आएको पहिरोले इन्टेक र Gravel Trap को बिचको संरचनामा क्षति पूऱ्याएको कम्पनीले जनाएको छ । साथै विद्युत गृहमा पानी पठाउने बाटो पनि अवरुद्ध भएकोले हाल विद्युत उत्पादन पूर्णरुपमा बन्द रहेको कम्पनीले उल्लेख गरेको छ ।
कम्पनीका अनुसार वर्षा निरन्तर भईरहेको हुँदा पहिरो हटाउन कठिनाई परिरहेको र पहिरो हटाउने कार्यको लागि टोली खटाईसकिएको छ ।
