दशैँ, तिहारको अवसरमा सुजुकीको गाडी किन्दा ४ लाख रुपैयाँ नगद छुट पाइने अफर सार्वजनिक भएको छ । नेपालका लागि सुजुकीको आधिकारीक बिक्रेता सीजी मोटोकर्पले चाडपर्वलक्षित अफर सार्वजनिक गर्दै ४ लाख नगद छुट र निःशुल्क बीमा सुविधा दिने जनाएको छ ।
सीजी मोटोकर्पका अनुसार हरेक वर्ष जस्तै यस वर्षको ‘पर्वोत्सव’ अवसरमा विभिन्न सुविधाहरु अफर गरिएका छन् ।
जस अनुसार यो अफर अन्तर्गत नै गाडी एक्चेन्जमा २ लाख सम्मको, २० हजार रुपैयाँसम्मको लोयल्टी बोनस र विभिन्न एसेसेरिजहरू निःशुल्क उपलब्ध गराइने कम्पनीले जनाएको छ ।
कम्पनीले नाडा अटो शोको अवसर पारेर प्रदर्शनी अवधिभरमा सुजुकीका गाडी खरिद गर्ने ग्राहकलाई स्क्र्याच कार्डमार्फत थप २ लाख रुपैयाँसम्म छुट प्रदान गर्ने घोषणा पनि गरेको छ । यसमा केही सर्तहरू भने लाग्ने कम्पनीको भनाइ छ ।
नाडा अटो शोमा सुजुकीले सार्वजनिक गरेको चौथो संस्करणको नयाँ एपिक स्विफ्ट इलेक्ट्रिक कारमा जस्तै ५ वर्षका लागि शून्य रनिङ खर्च हुने गरी अफर पनि ल्याएको छ। यो अद्वितीय योजनाले नयाँ स्विफ्ट ग्राहकहरूले रनिङ खर्चको बोझबिना ढुक्कको ड्राइभिङ अनुभव लिन सक्ने कम्पनीले जनाएको छ ।
यस्ता छन् योजनाका मुख्य विशेषता
- शून्य रनिङ खर्च : एपिक स्विफ्ट खरिद गर्ने नयाँ ग्राहकले ५ वर्षसम्म पेट्रोलमा खर्च गर्नुपर्ने छैन भने ५ वर्षका लागि मर्मत सम्भार र पीएमएस पार्ट्स र इन्जिन आयलमा पनि केही खर्च गर्नुपर्ने छैन । कम्पनीको मापदण्डअनुसारका ११ वटै नियमित सर्भिसमा पनि शुल्क नलाग्ने ।
- नि:शुल्क अटो बीमा र एसेसरिज : यो योजनामा थप १ वर्षको बीमा र सिट कभरसहितको सुजुकी जेन्युन एसेसरिजहरू पनि निःशुल्क पाइने ।
- थप अतिरिक्त वारेन्टी र एक्सचेन्ज बोनस : बिक्रीपछिको रिसेल भ्यालुप्रति मनोबल अझै बढाउन ५ वर्षपछि २ लाख एक्सचेन्ज बोनस ग्यारेन्टी र ५ वर्षको ढुक्क वारेन्टी ।
- उच्च रिसेल भ्यालु : एपिक स्विफ्ट गाडी विगतदेखि उच्च रिसेल भ्यालु भएको गाडी हो, थप एक्सचेन्ज बोनसले ग्राहकलाई भविष्यमा बिक्री गर्नुपर्दा पनि फाइदा हुने
