नेपालका लागि चांगान मोटर्सको आधिकारिक विक्रेता एमएडब्लू वृद्धिले नेपालको पर्यटकीय शहर पोखरामा ‘दिपल ईभी’ सार्वजनिक गरेको छ । पोखरामा आयोजित एक कार्यक्रममा दिपल ईभी सार्वजनिक गरिएको हो ।
गण्डकी प्रदेशका सामाजिक विकास, युवा तथा खेलकुदमन्त्री बिन्दुकुमार थापा, नेपाल क्रिकेट संघका सचिव एवम् पूर्व कप्तान तथा दिपल ईभीका ब्रान्ड एम्बास्डर पारस खड्का, चांगानको पोखरा डिलर हिमालय अर्गनाइजेशनकी संस्थापक मिलन थापा र हिमालय अर्गनाइजेशनका निर्देशक सौरभ थापाले संयुक्त रूपमा दिपल एस०७ र एल०७ ईभी सार्वजनिक गरेका हुन् ।
एमएडब्लू वृद्धिले केही दिनमै पोखराकै सबैभन्दा ठूलो एक्सचेन्ज एन्ड टेस्ट ड्राइभ क्याम्पको आयोजना गर्दैछ । उक्त क्याम्पमा ग्राहकहरुले दिपल, सेरस र नामीले नाडा अटो शोमा जारी गरेको विशेष अफर उपयोग गर्न सक्ने कम्पनीले जनाएको छ ।
कम्पनीले दिपल एस ०७ को मूल्य ७१ लाख ९९ हजार रुपैयाँ तोकेको छ । नयाँ सेरेस–३ लाई ४५ लाख ४९ रुपैयाँमा खरिद गर्न सक्नेछन् भने नामी ईभी खरिदमा ७ किलोवाटको चार्जर उपलब्ध हुनेछ ।
ग्राहकले हरेक टेस्ट ड्राइभ र पुरानो गाडीको मूल्यांकनमा आकर्षक उपहार पाउने कम्पनीले जनाएको छ ।
