नाडा अटोमोबोइल्स एसोसियशन अफ नेपालले काठमाडौँ उपत्यका प्रहरी कार्यालय रानीपोखरीलाई राहत सागम्री सहयोग गरेको छ । शनिबार नाडाले उपत्यका प्रहरी कार्यालय रानीपोखरीका प्रमुख तथा अतिरिक्त प्रहरी महानिरिक्षक किरण बज्रचार्यलाई भेटगरी वाईवाई चाउचाउ ५० कार्टुन र जुस ८० कार्टुन हस्तान्तरण गरेको हो नाडाका महासचिव सुरेन्द्र कुमार उप्रेतीले जानकारी दिए ।
अहिले देश अविरल वर्षाको कारण बाढी तथा पहिरोको चपेटामा परेको अवस्थामा नाडाका अध्यक्ष करण चौधरीले सो राहत सामग्रीहरु हस्तान्तरण गरेका हुन् । सहयोग हस्तान्तरण कार्यक्रममा नाडाका उपाध्यक्ष राजन बाबु श्रेष्ठ र प्रहरी कार्यालयका तर्फबाट प्रहरी वरिष्ठ उपरिक्षक बिनोद घिमिरे समेतको उपस्थिति रहेको थियो ।
नाडाले विगतकाल देखि नै आफ्नो सामाजिक उत्तरदायित्व अन्तर्गत यस्ता सहयोग गर्दै आएको छ ।
