पालका लागि चाङ्गन तथा दीपलको आधिकारिक बिक्रेता एमएडब्लू वृद्धि अटोकर्पले सोमबारदेखि ‘एक्स्चेन्ज कानिर्भल क्याम्पेन’ सुरु गरेको छ । काठमाडौँको गैरीधारास्थित सिल्भरओक ब्याङ्वेटमा सुरु भएको क्याम्पेन आज सोमबारदेखि ३ गते चल्नेछ ।
एक्स्चेन्ज कार्निभल बिहान १० बजेदेखि बेलुका ५ बजेसम्म सञ्चालन हुने कम्पनीले जनाएको छ । क्याम्पेन अन्तर्गत ग्राहकले जुनसुकै ब्राण्डका पूराना गाडीसँग दीपल एस–०७ ईभी साट्न सक्नेछन् । यस बाहेक ग्राहकले दीपल एस ०७ र एल ०७ टेस्ट ड्राइभको अवसर पनि पाउने छन् ।
यस अवधिभरी ग्राहकले प्रि–बजेट मूल्य ६४ लाख ९९ हजार रुपैयाँमै दीपलको प्रिमियम ईभी एस ०७ खरिद गर्न सक्ने कम्पनीले जनाएको छ । अहिले यसको मूल्य ७१ लाख ९९ हजार रुपैयाँ रहेको छ ।
कार्निभल एक्स्चेन्जमा ग्राहकले ६ वटा रिकन्डिसन हाउसबाट आफ्ना पूराना गाडीको बेस्ट भ्यालुएसन पाउने कम्पनीको भनाई छ । कम्पनीका अनुसार एक्स्चेन्ज कार्निभलमा ग्राहकले अनस्पट डेलिभरी, अनस्पट फाइनान्स र निःशुल्क एक्सेसरिज पाउनेछन् ।
जसमा ३ किलोवाटको ट्राभल चार्जर र ७ किलोवाटको होम चार्जरसमेत निःशुल्क उपलब्ध गराइने कम्पनीले जनाएको छ ।
ग्राहकले गाडीको भ्यालुएसन र बुकिङमा गिफ्ट पनि पाउन सक्नेछन् । नेपाली बजारमा एमएडब्लू वृद्धिले दीपालका एस०७ र एल०७ गरी दुई मोडेल बिक्री गर्दै आएको छ ।
