नाडा अटो शो २०२४ को ५ औँ दिनसम्ममा स्काईवेलका ९९ वटा विद्युतीय गाडी बुकिङ भएका छन् । स्काईवेल गाडीको आधकारिक वितरक जी मोटर्स प्रा.लि.का अनुसार ९९ वटा स्काईवेल ईभी ब्राण्ड बुकिङ भएको हो ।
आइतबार पनि अटो शो जारी रहने भएकाले यो संख्या अझै बढ्ने विश्वास लिइएको छ । ईटी ५, बीई ११ मोडलका गाडीहरु प्रदर्शनीमा राखेको कम्पनीले बीई ११ मोडेलका गाडीमा क्रमशः ६२० किलोमिटर, ५२० किलोमिटर र ४२० किलोमिटर रेन्ज दिने जनाएको छ ।
कम्पनीका कार्यकारी निर्देशक पारश मणी गेलालका अनुसार हाल नेपालमा ४० वटा भन्दा बढी स्काईवेलका ईटी–५ प्रीमियम इलेक्ट्रिक एसयुभि बिक्री बितरण भई सकेका छन् ।
जी मोटर्सले नाडामा बुकिङ्ग गर्ने ग्राहकका लागी ४१० किलोमिटर रेन्ज भएको बीई ११ को मूल्य ७५ लाख ९० हजार, ५२० किलोमिटर रेन्ज दिने बीई११ को अर्को मोडलको मूल्य ८५ लाख ९० हजार र ईटी५ को मूल्य १ करोड १० लाख रुपैयाँ कायम गरेको छ ।
नाडा शो पश्चात सबै मोडेलका गाडीमा ५ लाखले मूल्य वृद्धि हुने जी मोटर्सले जनाएको छ ।
स्काईवेल ६५ भन्दा बढी देशहरु जर्मनी, युके, अस्ट्रेलिया, ल्याटिन अमेरिका, टर्कि, इजरायल, पोल्यान्डमा बिक्री हुँदै नेपालमा भित्रिएको हो । स्काईवेल युरोपियन स्ट्याण्डर्डका सवारी बिक्री गर्ने प्रीमियम सवारी उत्पादक कम्पनी हो ।
