धनगढी उपमहानगरपालिकाका प्रमुख गोपाल हमालले स्काईवेलको ईटी–५ विद्युतीय गाडी बुकिङ गरेका छन् । काठमाडौँमा जारी नाडा अटो शोमा पुगेर हमालले प्रीमियम ईभी एसयूभी स्काईवेल ईटी–५ बुकिङ गरेका हुन् ।
अटो शोमा स्काईवेलको नेपालका लागि एकमात्र आधिकारिक बिक्रेता जी मोटर्सले स्काईवेल ईटी–५ प्रदर्शनीमा राखेको छ । सोही अवसरमा धनगढीका मेयर हमालले उक्त गाडी बुकिङ गरेको जी मोटर्सका सञ्चालक कैलाशबाबु गेलालले जानकारी दिएका छन् ।
एक पटकको फूल चार्जमा ६२० किलोमिटर रेन्ज दिने स्काईवेल ईटी–५ को मूल्य १ करोड १० लाख रुपैयाँ छ । यसमा ८६ किलोवाट क्षमताको ब्याट्री प्याक छ ।
