नेपालको लागि केइ अटोमोबाइल्स को आधिकारिक विक्रेता लक्ष्मी ई मोबिलिटीले नाडा अटो शो को पहिलो दिन आफ्नो ३ ओटा मोडल सार्वजनिक गर्दै बुकिङ्ग खुलाएको छ । अटो शो मा रहेको कम्पनीको स्टल नं H-16 बाट अर्थमन्त्री विष्णुप्रसाद पौडेल e-Qute 02, e-Qute 04 र इलेक्ट्रीक एसयूभ X3 Pro EV मोडल सार्वजनिक गरेका हुन् ।
e-Qute 02 मोडल दुई भेरिएन्टमा उपलब्ध हुने कम्पनीले जनाएको छ। जसमा २०० कि. मी रेन्ज दिने भेरिएन्टलाई
१९ लाख ९६ हजार मुल्य कायम गरिएको छ भने ३०० कि.मी भेरिएन्टको मूल्य २२ लाख ९६ हजार रहेको छ। कम्पनीका अनुसार E- Qute 02 मा २८.०८ किलोवाट पावर क्षमताको लिथियम आइरन फस्फेट ब्याट्री र ४० किलोवाट क्षमताको मोटर रहेको छ। यसको अधिकतम टर्क ११० एनएम छ । त्यसै गरी e-Qute 04, ३०० कि. मी रेन्ज को मूल्य २४ लाख ९६ हजार छ | E-Qute 04 मा २८.०८ किलोवाट पावर क्षमताको लिथियम आइरन फस्फेट ब्याट्री र ४० किलोवाट क्षमताको मोटर रहेको छ । यसको अधिकतम टर्क ११० एनएम छ ।
तेस्रो मोडल X3 Pro EV इलेक्ट्रीक एसयूभी, डिलक्स र फ्ल्यागसिप भेरिएन्ट उपलब्ध छ । डिलक्स भेरिएन्टको मूल्य ४६ लाख ९६ हजार र फ्ल्यागसिप भेरिएन्टको ४८ लाख ९६ हजार रुपैयाँ रहेको छ । यसमा ५३.६ किलोवाट पावर क्षमताको लिथियम आइरन फस्फेट ब्याट्री र १२० किलोवाट क्षमताको मोटर रहेको छ । यसको अधिकतम टर्क २८० एनएम छ ।
नाडा अटो शो स्पेसल अफर अन्तर्गत केइ गाडीको खरिदमा ग्राहकले ७.३ किलोवाटको वाल माउन्टेड चारजर, साथै १ वर्षको लागि निःशुल्क सवारी वीमा तथा सवारी कर सुविधा पनि प्राप्त गर्न सक्ने कम्पनीले जनाएको छ। नाडा अटो शोमा केइ अटोमोबाइल्सको स्टल नं H-16 मा आएर केई ब्रान्ड र नाडामा लन्च गरिएको केइका गाडीहरुको बारे जानकारी लिन सकिने लक्ष्मी ई मोबिलिटीले जनाएको छ।
