नेपाल अटोमोबाइल्स एसोसिएसन अफ नेपालको आयोजनामा आजदेखि नाडा अटो शो २०२४ सुरु भएको छ । प्रदर्शनीको नेपाल सरकारका उपप्रधान तथा अर्थमन्त्री विष्णु प्रसाद पौडेलले उद्घाटन गरेका हुन् ।
टाटा.ईभी मुख्य प्रायोजक रहेको अटो शो काठमाडौँको भृकुटीमण्डपमा सुरु भएको हो। यस वर्षको प्रदर्शनीमा २४ चार–पाङ्ग्रे ब्रान्डहरू, १९ दुई–पाङ्ग्रे ब्रान्डहरू र १२ हल्का व्यावसायिक सवारी साधन ब्रान्डहरू प्रदर्शनमा रहने छन् । साथै लुब्रिकेन्ट, टायर, ब्याट्री, ग्यारेज उपकरण र अन्य अटो कम्पोनेन्टहरूका ३३ कम्पनीहरू रहने छन् । यसका अलावा ७ वित्तीय संस्थाहरूले नाडा अटो शोमा गाडी खरिद गर्ने तथा बुकिङ गर्नेहरुलाई फाइनान्सिङ सम्बन्धि सुविधाहरु प्रदान गर्नेछन् । कुल ९५ प्रदर्शकहरूले १३० स्टलमार्फत आफ्ना अटो सम्बन्धि वस्तुहरु प्रदर्शनी गर्नेछन् ।
६ दिनसम्म चल्ने अटो शोमा ७५ हजारले अवलोकन गर्ने अपेक्षा गरिएको छ । अवलोकनकर्तामध्ये एक जना भाग्यशाली सहभागीले हिरो जुम स्कूटर जित्ने अवसर पाउनेछन् ।
हेर्नुस् फोटोफिचर:
