आजबाट सुरु भएको नाडा अटो शोको अवसरमा नेपालका लागि टाटा मोटर्सको एकमात्र अधिकारिक वितरक सिप्रदी ट्रेडीङ प्रा.लि.ले पन्च ईभी सार्वजनिक गरेको छ ।
नेपाली बजारमा पन्च ईभी ३ भेरियन्टमा उपलब्ध हुने भएको छ ।
पन्च ईभी इमपावर्ड प्लस एस एमआरको मूल्य ३३ लाख ९९ हजार, पन्च ईभी इमपावर्ड एलआरको मूल्य ३६ लाख ९९ हजार र पन्च ईभी इमपावर्ड प्लस एसएलआरको मूल्य ३८ लाख ९९ हजार तोकिएको छ ।
एक्ट इभी प्योर प्ल्याटफर्म आर्किटेक्चरमा आधारित पन्च इभी अत्याधुनिक प्रविधियुक्त रहेको कम्पनीले बताएको छ । यो गाडी खर्चको दृष्टिकोणले किफायति मान्न सकिनेछ ।
१६–इन्च एलआरआर टायर, १९० मिमी ग्राउन्ड क्लियरेन्स, प्रभावशाली एप्रोच, डिपार्चर र र्याम्प–ओभर एंगल्स लगायतका बिशेषताहरु यसमा छन् । यो गाडीमा ९०–डिग्रीको कोणमा खुल्ने ढोका, ३६६ लिटरको बूट स्पेस, फ्रंकमा १४ लिटरको थप स्पेस रहेको कम्पनीले जनाएको छ ।
पन्च सर्ट रेन्ज एसआर सर्ट रेन्ज मोडलमा २५ किलोवाट आवरको ब्याट्री छ । लङ रेन्ज मोडलमा ३५ किलोवाट आवरको ब्याट्री छ ।
पन्च ईभीको स्ट्याण्डर्ड भेरियन्टमा ६० किलोवाटको मोटर छ । यसले ८२ हर्स पावर र ११४ न्युटन मिटर टर्क जेनेरेट गर्छ । लङ रेन्ज भेरियन्टमा ९० किलोवाटको इलेक्ट्रिक मोटर छ। यसले १२२ हर्स पावर र १९० न्युटन मिटर टर्क जेनेरेट गर्दछ ।
