सार्वजनिक यातायातको रूपमा प्रयोग हुने ठूला विद्युतीय सवारी साधन (ईभी) खरिदमा ८० प्रतिशतसम्म फाइनान्सिङ सुविधा प्राप्त हुने भएको छ ।
नेपाल राष्ट्र बैंकले हायर–पर्चेज लोनको यसअघिको प्रावधान संशोधन गर्दै ऋण–मूल्य अनुपात (लोन टू भ्यालू रेसियो) अधिकतम ८०ः२० प्रतिशत कायम गरेको हो । अर्थात्, अब ठूला ईभी किन्दा २० प्रतिशत मात्रै डाउन पेमेन्ट गर्दा हुने भएको छ ।
राष्ट्र बैंकले सार्वजनिक यातायातमा ईभीको प्रयोगलाई बढाउने अपेक्षा गरिएको छ । यसअघि कम्तीमा ४० प्रतिशत डाउन पेमेन्ट गर्नुपर्ने नियम थियो ।
