आज असार ३२ गते बिहीबार बसेको मन्त्रिपरिषद् बैठकले विभिन्न ७ वटा निर्णय गरेको छ। बिहीबार दिउँसो प्रधानमन्त्री तथा मन्त्रिपरिषद् कार्यालयमा बसेको मन्त्रिपरिषद् बैठकले यी निर्णय गरेको हो। बैठकपछि सूचना तथा सञ्चार मन्त्री डा. विक्रम तिमल्सिनाले निर्णय सार्वजनिक गरेका हुन् ।
यस्ता छन् बैठकका ७ निर्णय ।
१. अनुचित लेनदेन(मिटरव्याज) बाट प्रभावित नागरिकको माग सम्बोधन गर्ने समबन्धमा वार्ता गर्न प्रधानमन्त्री तथा मन्त्रिपरिषद् कार्यालयका सचिव पुष्कर सापकोटाको संयोजकत्वमा अर्थ मन्त्रालय, गृह मन्त्रालय, भूमि व्यवस्था, संघीय मामिला तथा सामान्य प्रशासन मन्त्रालयका सह–सचिवहरू सदस्य रहने गरि वार्ता टोली गठन गर्ने।
२. रु १ र रु २ का नयाँ डिजाइनका सिक्काहरू टकमरी गर्नका लागि नेपाल राष्ट्र बैंकलाई स्वीकृति प्रदान गर्ने ।
३. ’नेपाल कानुन सूचना पाइलट प्रणाली’ स्थापनाका लागि कोरिया सरकारबाट प्राप्त हुने १.८१ मिलियन अमेरिकी डलर अनुदान सहायता स्वीकृत गर्ने ।
४. संरक्षित क्षेत्रभित्रका राष्ट्रिय वन क्षेत्रमा रहेका थप रुख र पोलहरू हटाउनुपर्ने भएमा प्रचलित कानुनी प्रक्रिया पुरा गरी सम्बन्धित मन्त्रालयले नै स्वीकृति दिन सक्ने ।
५. विभिन्न मन्त्रालयहरूको संगठन संरचना र दरबन्दीहरू स्वीकृत गर्ने।
६. ’नीति अनुसन्धान प्रतिष्ठान विकास समिति (गठन) पहिलो संशोधन आदेश , २०८३’ स्वीकृत गर्ने
७. सेवा करारमा कार्यरत कर्मचारीहरूको व्यवस्थापन सम्बन्धी व्यवस्था स्वीकृत गर्ने ।
