एमजीको नयाँँ ट्यूब मोडेल U9 अन्तर्राष्ट्रिय बजारमा आउने भएको छ । एमजीको ट्यूब मोडेल U9 ले अष्ट्रेलियामा डिजाइन अनुमति पाएको हो ।
अस्ट्रेलियामा आफ्नो डिजाइन अनुमति प्राप्त गरेसँगै एमजीको ‘लाइन अप’मा नयाँ मोडल थप भएको हो । २०२५ को चौथो त्रैमासमा अष्ट्रेलियामा यो गाडी लन्च हुने तय भएको अन्तर्राष्ट्रिय सञ्चारमाध्यमहरुले जनाएका छन् । सार्वजनिक भए अनुसार यू९ मोडल दुई भेरियन्टमा उपलब्ध हुने छन् । दुबै भेरियन्टको नाम भने अहिलेसम्म खुलाइएको छैन ।
यी दूबै भेरियन्टमा २.५ लिटरको चार सिलिन्डर टर्बो डिजेल इन्जिन हुन्छ । ८ स्तरको आटोमेटिक गियर बोक्स र आटोमेटिक चार ड्राइभ प्रणाली भएको यो गाडी फोर्ड रेन्जर भन्दा लामो र चौडा छ । यसको लम्बाई ५५०० मिलिमिटर, चौडाई १९९७ मिलिमिटर र उचाई १८६० मिलिमिटर छ ।
यसमा ड्राइभरको लागि मास्याजिङ बेञ्जिन, स्टोरेज र चालकको लागि फ्लेक्सिबल सिट, जीबिएल साउन्ड सिस्टम जस्ता विशेषता छन् ।
अहिले यो गाडी डिजेल इन्जिनमा आउने र भविष्यमा प्लग इन हाइब्रिड विकल्पमा पनि आउन सक्ने बताइन्छ । अन्तर्राष्ट्रिय बजारमा यो मोडल आउँदा एमजीले नयाँ उचाई कायम गर्ने विश्वास गरिएको छ ।
उपभोक्तालाई रोजाईमा थप सहजता प्रदान गर्ने र गुणस्तरीय तथा किफयती सेवा उपलब्ध गराउन एमजीको नयाँ मोडलले थप विश्वास जित्ने बताइएको छ ।
नेपालमा पारामाउण्ट मोटर्सले एमजीका गाडीको आयात तथा बिक्री वितरण गर्दै आएको छ ।
