राफे इन्टरनेशनल ट्रेडिङ (एलएलसी) का उत्पादनहरू नेपाली बजारमा भित्रिएका छन् । कम्पनीले मंगलबार एक कार्यक्रममार्फत आफ्ना उत्पादन नेपाली बजारमा सार्वजनिक गरेको हो ।
राफेका प्रमुख कार्यकारी अधिकृत विवेश सुवेदीका अनुसार राफेका उत्पादन देशभर वितरण सुरु गरिएको छ । ग्राहकको विश्वासलाई प्राथमिकतामा राखिएको राफेका उत्पादनहरू प्रिमियम गुणस्तरका रहेका छन् । कम्पनीले नेपाली उपभोक्ताका लागि एक वर्षसम्म ‘नो क्वेश्चन आस्क्ड रिप्लेसमेन्ट’ ग्यारेन्टी दिने घोषणा गरेको छ । यसअन्तर्गत उत्पादनमा कुनै समस्या आएमा झन्झटबिना सिधै प्रतिस्थापन सुविधा उपलब्ध गराइने बताइएको छ ।
‘हामीले केबल एउटा ब्राण्ड बनाउने उदेश्य राखेनौँ । राफेलाई आत्मविश्वास, व्यक्तिगत पहिचान र उत्कृष्टताको प्रतिकको रुपमा स्थापित गरेका छौँ । अब हामी अन्तराष्ट्रिय बजारतर्फ विस्तार हुँदै हाम्रो सोचलाई विश्वभर पुर्याउने लक्ष्यमा अघि बढिरहेका छौँ’ सुवेदीले भने ।
राफे इन्टरनेशनल ट्रेडिङ करिब ४ वर्षअघि यूएईमा स्थापना भएको हो । छोटो अवधिमै गुणस्तर, नवीनता र ग्राहकसँगको सुदृढ सम्बन्धका कारण कम्पनीले बजारमा विशिष्ट पहिचान बनाएको कम्पनीको दाबी छ ।
कम्पनीले नेपालमा प्रवेशसँगै उच्च गुणस्तरका उत्पादन, नवीन प्रविधि तथा अन्तर्राष्ट्रिय स्तरको सेवा उपलब्ध गराउने लक्ष्य राखेको जनाएको छ । साथै वितरण र बिक्रीपछिको सेवामा पनि सहजता सुनिश्चित गरिने कम्पनीको भनाइ छ ।
राफे ग्राण्ड लञ्च इभेन्टमा प्रमुख अतिथीकारुपमा किक्रेटर आदिल अन्सारी उपस्थित थिए ।
