नेपाल स्टक एक्सचेन्ज नेप्सेमा समता घरेलु लघुवित्तको थप १४ लाख ८४ हजार ७ सय ८५ कित्ता शेयर सूचीकृत भएको छ । समता घरेलु लघुवित्तले मनकामना स्मार्ट लघुवित्तलाई १:१ को स्वापमा गाभेपछि मनकामना स्मार्टतर्फबाट आएको शेयर नेप्सेमा सूचीकृत भएको हो।
आज सूचीकृत भएको थप शेयर र यस अघि नै समता घरेलु लघुवित्तको कायम शेयर गरि अब नेप्सेमा कम्पनीको शेयर संख्या ५६ लाख ४० हजार ६३ कित्ता भएको छ । यस संगै अब नेप्सेमा मनकामना स्मार्ट लघुवित्तको सूचीकरण खारेज भएको छ ।
थप शेयर सूचीकरण भएसंगै मर्जरको कारण रोक्का रहेको मनकामना स्मार्ट लघुवित्तको शेयरको कारोबार पनि सुचारु हुने भएको छ। ति शेयर पनि अब SMATA सिम्बलबाट नै कम्पनीको कारोबार हुने भएको छ।
