नेपाल एसबिआई बैंक लिमिटेडले पाँच वटा अन्तराष्ट्रिय अवार्ड पाएको छ। क्यापिटल फाइनान्स इन्टरनेसनल ( CFl.co), लण्डनले बैंकलाई ” च्याम्पियन इन मोडर्न बैकिङ्ग इनोभेसन नेपाल २०२५” को उपाधिबाट सम्मान गरेको हो।
त्यसैगरी बैंकले सिंगापुर स्थित एशियन बैकिङ्ग एण्ड फाइनान्स (ABF) द्वारा होलसेल बैंकिङ्ग अवार्ड २०२५ अन्तर्गत “नेपाल डोमेस्टिक डिजिटल ट्रान्सफर्मेसन बैंक अफ द इयर”, “नेपाल डोमेस्टिक टेक्नोलोजी एण्ड अपरेसन्स बैंक अफ द इयर’, तथा रिटेल बैंकिङ्ग अवार्ड २०२५ अन्तर्गत “डिजिटल बिजनेस बैकिड्ड इनिसियटिभ अफ द इयर नेपाल” र “एसएमई बैक अफ द इयर नेपाल” अवार्ड पनि पाएको छ।
यी अन्तर्राष्ट्रिय सम्मानहरूले बैंकले प्रदान गरिरहेको होलसेल तथा रिटेल बैंकिङ्ग सेवाहरूमा डिजिटल रूपान्तरण, उत्कृष्टता र नवप्रवर्तनप्रति बैंकको अटल प्रतिबद्धतालाई जोड दिएको बैंकले उल्लेख गरेको छ। अर्वाडले बैंकको डिजिटल रुपान्तरण तथा ग्राहक केन्द्रित नवप्रवर्तनप्रतिको प्रतिबद्धतालाई दर्साएको बैंकले जनाएको छ ।
नेपाल एसबिआई बैंकले बिगत ३२ वर्ष देखि बैकिङ सेवा प्रदान गर्दै आईरहेको छ । हाल बैंकका १०१ शाखा, २२ एक्स्टेन्सन काउन्टर, २० शाखा रहीत बैंकिङ, ७ प्रादेशिक कार्यालय, १२५ एटिएम र १ कर्पोरेट कार्यालय सञ्चालनमा छन् ।
