नेपाल राष्ट्र बैंकले दुई वटा मनिचेञ्जर कम्पनीको लाईसेन्स खारेज गरेको छ । राष्ट्र बैंकको विदेशी विनिमय व्यवस्थापन विभागले लाइसेन्स खारेज गरेको हो।
बैंकले ठमेलमा रहेको रेन्बो मनि एक्स्चेञ्ज प्रा. लि. र पुल्चोकमा रहेको कसा मनि एक्स्चेञ्ज प्रा. लि.को लाईसेन्स खारेज गरेको हो । तोकिएको समयमा नवीकरण नगरेकाले इजाजतपत्र रद्द गर्ने निर्णय गरिएको राष्ट्र बैंकले जनाएको छ।
मनिचेञ्जर इजाजतपत्र तथा निरीक्षण विनियमावली, २०७७ को विनियम १९ को उप – विनियम (३) मा भएको व्यवस्थाबमोजिम लाईसेन्स रद्द गरिएको राष्ट्र बैंकले जनाएको छ।
