नेपाल राष्ट्र बैंकले १० रुपैयाँको नोट छाप्नको लागि टेण्डर आह्वान गरेको छ । बैंकले १० रुपैयाँ दरको ३४० मिलियन वटा अर्थात् ३४ करोड वटा नोट छाप्न टेण्डर आह्वान गरेको हो ।
राष्ट्र बैंकको मुद्रा ब्यबस्थापन विभागले नोट छाप्न योग्य भेन्डरहरुका लागि अन्तराष्ट्रिय टेण्डर आह्वान गरेको हो । राष्ट्र बैंकले २०२४ सेप्टेम्बर १ तारिखसम्म प्रस्ताव पेश गर्न आह्वान गरेको छ । राष्ट्र बैंकले प्रस्ताव पेश गर्दा २ करोड २० लाख धरौटी राख्नु पर्ने जनाएको छ। सबै भन्दा कम मूल्य कबुल गर्नेलाई राष्ट्र बैंकले नोट छाप्ने ठेक्का दिने छ ।
यस टेण्डरमा यस अघि राष्ट्र बैंकले योग्य रहेको भनि सूची प्रकाशन १० वटा कम्पनीले मात्र सहभागिता जनाउन सक्ने छन् । राष्ट्र बैंकले नोट छाप्नको लागि निवेदन पेश गरेका मध्ये १० वटा कम्पनी मात्र योग्य रहेको भन्दै ति कम्पनीको सूची यस अघि नै सार्वजनिक गरेको थियो । ति १० कम्पनीले मात्र टेण्डर प्रक्रियामा सहभागी हुन पाउने छन् ।
यी हुन् नोट छाप्न योग्य रहेका कम्पनी :
1. Casa da Moeda do Brasil, Brazil
2. China Banknote Printing and Minting Corporation, China
3. Crane A.B., Sweden
4. De La Rue International Limited, United Kingdom
5. Giesecke+Devrient Currency Technology GmbH, Germany
6. Joint Stock Company “Goznak”, Russia
7. Korea Minting, Security Printing & ID Card Operating Corp., Korea
8. Oberthur Fiduciaire SAS, France
9. Orell Füssli Security Printing, Switzerland
10. Security Printing and Minting Corporation of India Limited, India
