नेपाल राष्ट्र बैंकले अब जतिसुकै रकमका निजी आवासीय घर कर्जामा लोन टू भ्यालू रेसियो ७० प्रतिशत कायम गरेको छ । बैंक तथा वित्तीय संस्थाहरुलाई परिपत्र जारी गर्दै राष्ट्र बैंकले आवासीय घर निर्माणका लागि प्रदान गरिने कर्जामा लोन टू भ्यालू रेसियो ७० प्रतिशतसम्म हुने व्यवस्था गरेको हो ।
‘जतिसुकै रकमका निजी आवासीय घर कर्जा र नियमानुसार दर्ता भई सञ्चालनमा रहेका नेपाल सरकारबाट स्वीकृति प्राप्त घर निर्माण व्यवसाय कम्पनीहरु/परियोजनाहरुलाई आवासीय घर निर्माणको लागि प्रदान गरिने कर्जाको हकमा यस्तो अनुपात (Loan to Value Ratio) बढीमा ७० प्रतिशतसम्म कायम गर्न सकिनेछ’ राष्ट्र बैंकले भनेको छ ।
यसअघि पनि यस्तो कर्जामा लोन टू भ्यालू रेसियो ७० प्रतिशत नै रहेपनि अहिलेको परिपत्रमा ‘जतिसुकै रकमका’ भन्ने शब्द थपिएको छ ।
