आइएमई मोटर्स र रिलायन्स फाइनान्सबीच सवारी खरिदमा ७० प्रतिशतसम्मको फाइनान्सिङ गर्ने सम्बन्धि सम्झौता भएको छ । यस सम्झौता अनुसार अब ग्राहकहरूले आइएमई मोटर्सबाट सवारी साधन खरिद गर्दा रिलायन्स फाइनान्समार्फत ७० प्रतिशतसम्मको फाइनान्सिङ सुविधा प्राप्त गर्न सक्नेछन् ।
सम्झौतामा रिलायन्स फाइनान्सका प्रमुख कार्यकारी अधिकृत समाज प्रकाश श्रेष्ठ र रिटेल तथा एसएमइ प्रमुख नबिन्द्र केसी र आइएमई मोटर्सका सहायक महाप्रबन्धक सुशील सुवेदी र प्रमुख वित्तीय अधिकृत निर्मल अधिकारीले हस्ताक्षर गरेका छन् ।
यस समझदारीबाट ग्राहकहरूलाई सवारी साधन किन्न सहज र पहुँच योग्य फाइनान्सिङको सुविधा उपलब्ध भएको बताइएको छ ।
आइएमई मोटर्सका सहायक महाप्रबन्धक सुशील सुवेदीले रिलायन्स फाइनान्ससँगको साझेदारीबाट ग्राहकहरूलाई सहज फाइनान्सिङ सुविधा प्राप्त हुने विश्वास व्यक्त गरेका छन् ।
आइएमई मोटर्सले अशोक लेल्याण्डका कमर्सियल सवारी साधन नेपाली बजारमा आयात तथा बिक्री गर्दै आएको छ ।
