बीवाइडी गाडीको नेपालका लागि आधिकारीक बिक्रेता साइमेक्स इंकले नेपालको इतिहासमै पहिलोपटक पारा ओलम्पिकमा काँस्य पदक विजेता पलेसा गोवर्धनलाई कार उपहार दिएको छ । कम्पनीले पलेसालाई ‘बीवाईडी डल्फीन’ उपहार दिएको हो ।
पारा ओलम्पिकमा पहिलोपटक नेपाललाई पदक दिलाउन सफल पलेसालाई साइमेक्स इंकले ४१ लाख १५ हजार मूल्य पर्ने बीवाईडी डल्फीन उपहार दिएको हो । पलेसालाई उक्त गाडी हस्तान्त्रण गर्दै साइमेक्स इंककी प्रबन्ध निर्देशक यमुना श्रेष्ठले नेपाललाई विश्वसामु चिनाउने पलेसालाई सम्मान गर्न पाउँदा साइमेक्स परिवारलाई गर्व महशुस भएको बताइन् ।
कम्पनीले अन्य कुनै पनि खालको साझेदारी गरेको नभई विशुद्ध प्रतिभाको सम्मान गरिएको जनाएको छ । कार्यक्रममा साइमेक्स इंकका अध्यक्ष अनिल श्रेष्ठ लगायतको उपस्थिति थियो ।
