नेपालका लागि चाङ्गन तथा दीपल गाडीको आधिकारिक बिक्रेता एमएडब्लू वृद्धि अटोकर्पले भदौ ३१ देखि असोन ३ गतेसम्म ‘दीपल एक्सचेन्ज कानिर्भल’ आयोजना गर्ने भएको छ ।
काठमाडौँको गैरीधारास्थित सिल्भरओकमा हुने कार्निभलमा ग्राहकहरुले कुनै पनि ब्राण्डाका पुराना गाडीसँग दीपल ईभी साट्न सक्नेछन् । कम्पनीका अनुसार ग्राहकले नेपालकै शीर्ष ६ रिकन्डिसन हाउसबाट पुरानो गाडीको ‘बेस्ट भ्यालुएसन’ पाउने छन् ।
यस अवसरमा ग्राहकहरुले प्रि–बजेट मूल्य ७१ लाख ९९ हजार रुपैयाँमा दीपलको प्रिमियम ईभी एस०७ पनि खरिद गर्न सक्नेछन् ।
कम्पनीका अनुसार ‘दीपल एक्सचेन्ज कानिर्भल’ अवधिभर ग्राहकले थप एक्सचेन्ज बोनस पनि पाउनेछन् । अनस्पट डेलिभरी, अनस्पट फाइनान्स र फ्रि एसेसोरिज पाइनुका साथै ३ किलोवाटको ट्राभल चार्जर र ७ किलोवाटको होम चार्जरसमेत निःशुल्क उपलब्ध गराइने कम्पनीले जनाएको छ । ग्राहकले गाडीको भ्यालुएसन र बुकिङमा गिफ्ट पनि पाउनेछन् ।
नेपाली बजारमा एमएडब्लू वृद्धिले दीपल एस०७ र एल०७ गरी दुई मोडेल बिक्री गर्दै आएको छ । यी दूबै ईभी एड्भान्स्ड फिचर, लक्जरियस इन्टेरियर र इन्टेलिजेन्ट डिजाइनमा आधारित छन् ।
दीपल इभीमा वेलकम सिट, सनफ्लावर टचस्क्रिन, जेस्चर कन्ट्रोल, एआई सपोर्ट भएको अग्मेन्टेड रियालिटी एडअप डिस्प्ले, चारवटा ड्राइभिङ मोड, १२५ लिटरको फ्रंक, हेडरेस्ट र आउटडोरसहित १४ वटा स्पिकर लगायत १५ भन्दा बढी फिचर छन् ।
