नेपालको लागि टाटा मोटर्सको आधिकारिक बिक्रेता सिप्रदी ट्रेडिङ प्रा.लि.ले यो वर्षको दशैँलाई लक्षित गरि विभिन्न अफर योजना सार्वजनिक गरेको छ । जस अन्तर्गत टाटाको प्रत्येक कमर्सियल गाडी खरिद गर्दा ग्राहकले होम अप्लायन्स, ग्याजेट वा टुर प्याकेजमध्ये एक रोजेर लिन सक्नेछन् ।
होम अप्लायन्स अन्तर्गत वासिङ मेसिन, फ्रिज, एसी, टि.भी, माइक्रो वेब छन् भने ग्याजेट अन्तर्गत आइफोन, एयरपड, म्याकबुक, एपल वाच प्राप्त गर्न सकिनेछ ।
यस्तै टुर प्याकेज अन्तर्गत मरिसस, बैंकक, मलेसिया, दुबई वा युरोप रहेका छन् ।
बुकिङ गराउँदा पनि ग्राहकहरूले स्मार्ट वाच वा इयरबड प्राप्त गर्न गर्न सक्ने कम्पनीले जनाएको छ ।
यो योजना टाटाको ट्रक, टिपर, बस, मिनी ट्रक, मिनी टिपर, योद्धा, एस, विङ्गर, इन्ट्रा र म्याजिक जस्ता गाडीहरूको खरिदमा लागु हुनेछ । आफूले खरिद गरेको गाडी अनुसार विभिन्न योजनामा सहभागी हुन सक्ने कम्पनीले जनाएको छ ।
सिप्रदी ट्रेडिङ कमर्सियल भेहिकल बिजनेस युनिटका सिनियर जेनरल म्यानेजर अनुपमणि ढकालले सिप्रदी आफ्ना ग्राहकहरूको उत्साहलाई बढाई राख्न र उनीहरूको व्यवसायमा सकारात्मक भूमिका निर्वाह गर्न क्रियाशील रहेको बताएका छन् ।
हरेक वर्षझैँ यो वर्ष पनि ग्राहकहरूको तर्फबाट अफरसम्बन्धी सकारात्मक प्रक्रिया आएको उनको भनाइ छ । ढकालका अनुसार यो योजना असोज १४ गतेसम्म लागु हुनेछ ।
