लक्ष्मी सनराइज क्यापिटलका दुई म्युचुअल फण्डको लाभांश सुरक्षित गर्ने आज भदौ ६ गते अन्तिम दिन रहेको छ । लक्ष्मी सनराइज क्यापिटल योजना व्यवस्थापक रहेको सनराइज म्युचुअल फण्ड अन्तर्गत संचालित सनराइज फोकस्ड इक्विटी फण्ड र सनराइज फर्स्ट म्युचुअल फण्डको लाभांश सुरक्षित गर्ने आज अन्तिम दिन हो ।
यी दुई फण्डले आर्थिक वर्ष २०८०/८१ को लाभांश वितरणको लागि भदौ ७ गते बुक क्लोज गर्ने निर्णय गरेकोले आज भदौ ६ गतेसम्म कायम इकाईधनीले मात्र यी फण्डले दिने लाभांश पाउन सक्ने छन् ।
सनराइज फोकस्ड इक्विटी फण्डले आर्थिक वर्ष २०८० / ०८१ को लागि योजनाको इकाईधनीहरुलाई ४.५ (चार दशमलव पाँच प्रतिशत नगद लाभांश (कर सहित) वितरण गर्ने प्रस्ताव गरेको छ। त्यस्तै सनराइज फर्स्ट म्युचुअल फण्डले आर्थिक वर्ष २०८० / ०८१ को लागि योजनाको इकाईधनीहरुलाई १२.५ प्रतिशत नगद लाभांश (कर सहित) वितरण गर्ने प्रस्ताव गरेको छ।
