अटोमोबाइल्स व्यवसायको कुम्भ मेला मानिने ‘नाडा अटो शो २०२४’ को मुख्य प्रायोजक ‘टाटा’ गाडी हुने भएको छ । नाडाको कार्यसमिति बैठकले ‘टाटा डट ईभी’लाई यसपालीको अटो शोको मुख्य प्रायोजकमा छनोट गरेको हो ।
‘नाडा अटो शो’को मुख्य प्रायोजकमा गाडीकै ब्राण्ड रहने यो पहिलोपटक हो । यसअघि लुब्रिकेन्ट, स्पेयर पार्टस् ब्राण्डहरु मुख्य प्रायोजक रहँदै आएका थिए ।
भदौ ११ गतेदेखि १६ गतेसम्म आयोजना हुने नाडा अटो शो २०२४ मा ८७ स्टलहरु हुनेछन् । यसमध्ये चार पाङ्ग्रे गाडीका २२, लाइट कमर्सियल गाडीका १३ वटा, दुइ पाङ्ग्रे सवारीका ३३ र बैंक तथा वित्तीय संस्थाका ६ स्टल रहने छन् । स्पेयर पार्टस् र टायर लुब्रिकेन्टसका स्टलहरु पनि रहने छन् ।
