नेपालका लागि डोङफेङको आधिकारिक बिक्रेता एमएमडब्लू वृद्धि मोटोकर्पले ‘नामी बक्स’को नयाँ भेरियन्ट सार्वजनिक गरेको छ । कम्पनीले नाडा अटठो शो २०२६ को अवसरमा नामी बक्सको नयाँ भेरियन्ट लन्च गरेको हो ।
कम्पनीले नामी बक्सको नयाँ भेरियन्ट ३० लाख भन्दा कम मूल्यमै सार्वजनिक गरेको हो छ । कम्पनीले नाडा अटो शो लक्षित गर्दै ई २–३३० भेरियन्टको मूल्य २९ लाख ९९ हजार र ई २–४४० भेरियन्टको मूल्य ३१ लाख ९९ हजार रुपैयाँ तोकेको छ ।
अटो शो पछि ई २–३३० भेरियन्टको मूल्य ३० लाख ९९ हजार र ई २–४४० भेरियन्टको मूल्य ३२ लाख ९९ हजार रुपैयाँ पर्नेछ ।
नामी बक्सका दुबै भेरियन्टमा ४९.५ किलोवाटको मोटर छ । ३१.४ किलोवाट आवरको ब्याट्री भएको ई २ ले ३३० किलोमिटर र ४२.३ किलोवाट आवरको ब्याट्री भएको ई २ ले ४३० किलोमिटर रेन्ज दिने बताइएको छ ।
यसको ग्राउण्ड क्लियरेन्स १७६ एमएम छ । ३६० डिग्री पानारोमिक क्यामरा, वायरलेस फोन चार्जर, अटोमेटिक एसी, एयरब्याग लगायतका फिचर्स उपलब्ध छन् ।
